Tuesday, May 4, 2010

စည်းကမ်းပျက်တာ ရွှေမြန်မာ

မနေ့က ရုံးအပြန် ဘတ်စ်ပေါ်မှာ အသက် ၂၀မပြည့်တပြည့်လောက် ဆယ်ကျော်သက်အရွယ် ကောင်မလေးတစ်ယောက်တွေ့တယ်။ စလုံးမှာက မြင်မြင်ချင်း ရွှေရွှေချင်းမှန်း သတိထားမိတာ များပါတယ်။ အဲဒီကြားထဲမှာမှ သူလေးက မျက်စိထဲကို ထော်လန့်ကန့်လန့် ၀င်လာစေမဲ့ အနေအထားမျိုးနဲ့ ၀င်လာတယ်။ အဲဒါကတော့ လက်က ပီအက်စ်တူး ဂိမ်းကိုလဲကစားရင်း ပါးစပ်ကလဲ ဆိတ်ပါးစပ်လို အဆက်မပြတ် ၀ါးနေတော့တာပါပဲ။ တစ်ခုခုတော့ စားနေပေမဲ့ ပီကေတော့ ဖြစ်ဟန် မတူပါဘူးလို့ တွေးမိပါသေးရဲ့။ သို့သော်လည်း စိတ်ထဲမှာက နဲနဲ သံသယ ၀င်နေတာအပြင် မျက်စေ့ရှေ့ တန်းမြင်နေတာလဲ တစ်ကြောင်းကြောင့် မကြာခင်မှာပဲ သူ့ပါးစပ်ကနေ ပီကေကို ပူစီဖောင်းမှုတ်နေတာ မျက်ဝါးထင်ထင်မြင်ရတော့တယ်။

သြော်... ဒီကလေးမနှယ် ခက်တော့နေပါပြီ။ အားလုံးက ကွက်ကြည့်ကွက်ကြည့်လုပ်နေလဲ ထီမထင်တဲ့ ထောင့်မကျိုးတဲ့ မျက်နှာပေးလုပ်နေသေးတယ်။ khatib မှတ်တိုင်ရောက်ကာနီးမှာ သူနဲ့ရုပ်ချင်းဆင်တဲ့ ညီမငယ်လေးနဲ့ မောင်ငယ်လေး အနားမှာ ကပ်ပြီး ဗမာလိုတွေပြောနေကြတော့ တော်တော်သေချာသွားပါပြီ။ စည်းကမ်းပျက်တာ ရွှေမြန်မာလို့။ တခြားလူမျိုးတွေလဲ စည်းကမ်းပျက်တာရှိပါတယ်။ နိုင်ငံအမျိုးမျိုး၊ အလွှာအမျိုးမျိုးနဲ့ လူမှုအဆင့်အတန်းအမျိုးမျိုးက လာနေကြတာပါပဲမဟုတ်လား။ ဒီကလေးမလေးကတော့ လာလည်တဲ့ပုံလဲ မဟုတ်၊ အနေအတန်အသင့်ကြာပြီး စင်ကာပူမှာတောင် လူကြီးမိဘမပါပဲ မောင်ငယ်ညီမငယ်တွေနဲ့အတူ ကျွမ်းကျင်စွာ သွားလာနေထိုင်တဲ့ အခြေအနေတစ်ရပ်မှာတောင် ရောက်နေပါပြီပဲ။ ဒါတောင်မှ စင်ကာပူမှာ ပီကေ(chewing gun) ကိုစားဖို့မပြောနဲ့ တခြားတစ်နိုင်ငံ၊ တစ်နေရာကနေတောင် တရားဝင် သယ်လာလို့ မရတာ မသိပေဘူးလား။ စဉ်းစားစရာပါပဲ။

ကျွန်မလဲ ရောက်ကာစက စင်ကာပူရဲ့ ဆောင်ရန် ရှောင်ရန်တော်တော်များများကို ကြားဖူးနားဝကလွဲလို့ ဂဃနဏသေချာမသိပေမဲ့ ရောက်နှင့်ပြီးသား သူငယ်ချင်းတွေကတဆင့် သင်ယူမှတ်သားရတာပါပဲ။ ဒီကလေးမလေးကို သူ့မိဘမောင်နှမ ဆွေမျိုးများက သင်မပေးလေသလော။ သို့တည်းမဟုတ် လူကြီးများ သင်ထား တားထားသည့်ကြားမှ ပီကေ ကြိုက်လွန်း၍ ယခုလိုခိုးစားလေသလောမသိပါ။ ဘာဖြစ်ဖြစ် သွားတားချင်ပေမဲ့ အလကားနေရင်း အရှက်ကွဲမှာလည်းစိုးရိမ်သောကြောင့် စိတ်ထဲကသာ ဖမ်းတဲ့သူနဲ့ မတွေ့ပါစေကြောင်း ဆုတောင်းပေးမိသေးသည်။ အဓိကကတော့ ဒီပို့စ်လေးတင်မိတာတသည် စင်ကာပူမှာ ရှောင်ရန်အချက်များကို ကျွန်မသိသလောက်လေး ပြောပြချင်တာပါ။

အလည်အပတ်ပဲလာလာ၊ ကျောင်းပဲတက်တက်၊ အလုပ်ပဲလုပ်လုပ် ရောမပြည်ရောက်လျှင်တော့ ရောမလို မကျင့်ချင်တောင်မှ ရောမရဲ့ စည်းမျဉ်းဥပဒေများကို နှစ်သက်သက်ဖြစ်စေ မနှစ်သက်သည် ဖြစ်စေ လိုက်နာရပေမည်။ မဟုတ်လျှင် မလိုလားအပ်သော အခြေအနေနှင့် အကျိုးဆက်များကြောင့် မိမိ၏ရည်ရွယ်ရင်းကိစ္စများ ပျက်စီးပေမည်။ ထို့ကြောင့် စင်ကာပူမှ တားမြစ်ထားသော လူသိနည်းသည့် ဥပဒေ၊ စည်းမျဉ်းစည်းကမ်းများနှင့် ပတ်သက်၍ အထူးသတိပြုကာ ရှောင်ရန်မှာ -
(၁) ပီကေ (သို့) chewing gum ကို သယ်လည်း မလာပါနှင့်။ စားလဲမစားပါနှင့်။ ထောင်ဒဏ်တစ်နှစ် သို့မဟုတ် ဒဏ်ငွေ စင်ကာပူဒေါ်လာ ၁၀, ၀၀၀ ဆောင်ရပါမည်။
(၂) MRT တွင် အစားမစားပါနှင့်၊ အရမ်းဆာလောင်လွန်းလျှင် အချိန်ကိုကိုက်ပြီး MRT မ၀င်ခင် (သို့) မထွက်ခင်တွင် စားပါ။မဟုတ်က ဒဏ်ငွေ ၅၀၀
(၃) အမှိုက်မပြစ်ပါနှင့်။ အမှိုက်ပုံးတွေ လုံလောက်ရုံသာမက ပေါများလှပါသည်။ မဟုတ်က CWO (Corrective Work Order) jacket ၀တ်ကာ community service အနေနှင့် ကိုယ်တိုင် သန့်ရှင်းရေးတာဝန် ထမ်းဆောင်ရပါလိမ့်မည်။
(၄) Air-Conditioned Places နှင့် non-smoking area မျိုးတွင် ဆေးလိပ်မသောက်ပါနှင့်။ ဒဏ်ငွေ ဆောင်ရပါလိမ့်မည်။
(၅) နမော်နမဲ့ လမ်းလျှောက်ခြင်း၊ လမ်းဖြတ်ကူးခြင်းမျိုးမလုပ်ပါနှင့်။ ဟိုမှဒီမှ ယာဉ်ထိန်းရဲမှ မတော်တဆ ဖမ်းမိလျှင် ဒဏ်ရိုက်ခံရပါဦးမည်။ သင့်တော်သော မီးပွိုင့်လူကူးမျဉ်းကျား ၊ လူကူးကုံးကျော်တံတားတို့မှသာ ကူးပါ။ မဟုတ်လျှင် ဒဏ်ငွေသာမက အရှိန်မြှင့်မောင်းလေ့ရှိသော စင်ကာပူ ယာဉ်ကြောကြောင့် အသက်အန္တရာယ်ပါ စိုးရိမ်သင့်ပါသည်။

အသိမိတ်ဆွေများထဲမှ စင်ကာပူမှာ ကွမ်းတံတွေးထွေး၍ ဒေါ်လာ တစ်ထောင် ဒဏ်ငွေဆောင်ရသူလည်း ရှိပါသည်။ အသက် ၄၀ကျော်ထိ သူငယ်စဉ်ကတည်းက စားခဲ့သော ကွမ်းဖိုးတောင် ထိုမျှလောက် မရှိဟုဆိုကာ ကွမ်းစားတဲ့အကျင့်တောင် ပြတ်သွားပါသည်။ တံတွေးထွေးတာလည်း ဒဏ်ဆောင်ရပါမည်။ သတ်မှတ်ထားသောနေရာမှ လမ်းဖြတ်မကူး၍ ဒဏ်ငွေ ၂၀ဆောင်ရဖူးသူများလည်း ရှိပါသည်။ မယုံမရှိပါနှင့်။

စကားမစပ် စင်ကာပူမှာပြောသော singlish မှာ လား၊ လော၊ ရား.. အာ... စသဖြင့် သော်လည်းကောင်း၊ can or cannot? ထို့နောက် what? စသော စကားလုံးများနှင့်ပါတ်သက်၍ အောက်ပါ ၀ါကျများကို လေ့လာနိုင်စေဖို့ ဖော်ပြလိုက်ပါသည်။

Speakers of Singlish will usually end his sentence with a distinctive exclamation. The three most common are ah, lah, ley and what.

Examples:

  • OK lah, bye bye.

  • Don't like that lah.

  • You are going there ah?

  • No parking lots here, what.

  • The price is too high for me lah.

  • And then how many rooms ah?

  • It is very troublesome ley.

  • Don't be like that ley!

  • I'm not at home lah. That's why ah.

Singapore English usually come from other languages spoken in Singapore, especially Malay and Hokkien. Speakers of Singlish are not necessarily aware of which language they are from however.

Example:

  • habis - finished

  • makan - to eat

  • chope - to reserve something

  • cheem - difficult, complicated

  • ang mo - a white person

  • rojak - mixed, a mix of

  • liao - finished, the end

  • kiasu - afraid to lose mentality


သိထားသင့်သော အခြားအကြောင်းအရာများကို ဖတ်ရှုချင်သေးလျှင် ဤနေရာတွင် click နှိပ်ပါနော်။



2 comments:

Nyi Nyi said...

စိတ်မသက်မသာဖြင့်ဖတ်ရှုသွားပါတယ်။
ဒါတလွဲဆံပင်ကောင်းတယ်ခေါ်မလားပဲဗျ။ ပီကေကြိုက်လို့ခိုးစားတယ်ဆိုရအောင်ဘာလို့ပူဖောင်း
ဖောက်သတုန်း။ ဒါတွေက..မြန်မာဆန်တဲ့ “ငါကွ”ဆိုတဲ့
မဟုတ်တဲ့နေရာကစိတ်ထားတွေလို့ထင်ပါတယ်။

An Asian Tour Operator said...

ဒီလိုစိတ်ရောဂါမျိုး ရွှေ တချို့မှာရှိတယ်ဗျို့။