Friday, June 1, 2007

ဒိုင်ယာရီရေ

ဒီနေ့ သူငယ်ချင်း အစ်ကိုကြီးတစ်ယောက်နဲ့ စကားပြောဖြစ်ရင်း
ငါ့ ရဲ့ အသည်းကွဲရခြင်းအကြောင်းတွေ စကားစပ်မိရာက
နင့် ကို သတိရမိစေတယ်

အချစ်ဆိုတာ ဖန်တီးယူလို့ မရသလို
အလိုအလျောက် ဖြစ်တည်လာပြီးနောက်မှာလဲ ဖျက်ဆီးပစ်လို့ မှမရတာပဲလေ။
ငါ့ ရဲ့ ဂုဏ်သိက္ခာ အတွက် နင့် ရဲ့ လက်ရှိဘ၀အတွက်
ငါတို့ အဆက်အသွယ်တွေဖြတ်ခဲ့ ပြတ်ခဲ့ ပေမဲ့
ငါ နင့် ကို ချစ်နေဆဲပါ။

အဲဒီသူငယ်ချင်းအစ်ကိုကတော့ ပြောပါတယ်
“အချိန်ဆိုတာ အကောင်းဆုံး ကုစားပေးတဲ့ သမားတော်” ပဲတဲ့
အချိန်တွေ ကုန်သွားရုံနဲ့ ကွဲကြေခဲ့ တဲ့ ငါ့ နှလုံးသားလေးက
အကောင်းပကတိ ပြန်ဖြစ်လာမှာလား

နောက်တစ်ယောက်ကို တကယ်မချစ်ပါပဲ ကိုယ့် ဘ၀အတွက် ကောင်းမယ်
သင့်တော်မယ်မှန်းသိပြီး နင့် ထက်ကြင်နာနိုင်မဲ့ သူဖြစ်ခဲ့ ရင်တောင်မှ လက်ထပ်ဖို့ လက်ခံလို့ ရပေမဲ့ အဲဒီလို တကယ်မချစ်တဲ့ အိမ်ထောင်ရေးကရော ခိုင်မြဲပါ့ မလား။
(အချစ်တုတစ်ခုကို ဖန်တီးယူမယ်ဆိုရင် တောင်မှလေ။)

နင်က ငါ့ ကိုပြောဖူးတယ်နော် စိတ်ကူးယဉ်လွန်းတယ်တဲ့ ။
စိတ်ကူးလေးတွေ ယဉ်တာမကောင်းဘူးလား၊ ရိုင်းမှပဲ မကောင်းတာပါလို့ ငါပြန်ပြောတော့ နင်ရယ်ခဲ့ တယ်နော်။
ငါ့ ဘ၀မှာ မချစ်ဘူးတဲ့ အချစ်နဲ့ အချစ်ဦးတစ်ယောက် လွဲသွားပြီးမှ တမ်းတနေရုံနဲ့ ဘ၀က ပြည့် စုံမလာခဲ့ ပါဘူး။
အေးစက်သေဆုံးနေပြီလို့ ထင်ရတဲ့ နှလုံးသားတစ်ခုနဲ့ ရှင်သန်နေတုန်း
နင်နဲ့ တွေ့ ပြီး အချစ်သစ်နဲ့ ငါ့ ဘ၀လေး လှပလာမလား တွေးတောပြီး မိန်းမောနေလို့ မှ မကြာသေးခင် နင်က ရှောင်ဖယ်သွားရုံလောက်နဲ့ ဒီဖြစ်တည်ပြီးတဲ့ အချစ်ကိုရော ဖျက်ဆီးပစ်လို့ ရမတဲ့ လား။

ဘာပဲ ဖြစ်ဖြစ် ငါ့ တစ်ယောက်တည်းပဲ ဒီချစ်ခြင်းတရားလေးကို ဘယ်သူမှဝေဖန်ပြစ်တင်လို့ မရနိုင်တဲ့ နှလုံးသားရပ်ဝန်းတနေရာမှာ ဆက်လက်သိမ်းဆည်းထားမှာပါ။ ။

No comments: